मत्स्य विकास केन्द्र ,चितवन

मत्स्य पालन व्यवसायलाई व्यावसायिक रुपमा ठूलो परिमाणमा माछा उत्पादन गर्ने उद्देश्यले २०२६ सालमा यो केन्द्रको स्थापना भएको थियो । यस केन्द्रको स्थापनाकालको क्षेत्रफल ६० हेक्टर रहेता पनि शुरु देखि नै पानीको अभावका कारण पूर्ण क्षमतामा कहिले पनि संचालन हुन सकेको. देखिदैन । यस केन्द्रले दशौं पञ्चबर्षिय योजनामा निर्धारित लक्ष्य भन्दा उल्लेखनीय रुपमा बढी उपलव्धी हासिल गरी प्रभाव क्षेत्रमा मत्स्य उत्पदन बृद्धिमा निजी क्षेत्रलाई निरन्तर प्राविधिक सेवा र टेवा पुर्याउन सक्षम भएको छ ।

यस केन्द्रले गुणस्तरीय मत्स्य विज उत्पादन एवं वितरणको अलावा प्रविधिको विकास प्राविधिक ज्ञान,शीप दिलाउने, सेवा र टेवा प्रदान गर्ने एवं आकश्मिक सेवाहरु समेत प्रदान गर्दै आएको छ । यस केन्द्रले दिर्घकालिन रुपमा खास गरी प्रभाव क्षेत्रका जिल्लाका कृषकहरुलाई मत्स्य पालन व्यवसायबाट कसरी फाइदा पुर्याउन सकिन्छ भन्ने मूलभूत सिद्धान्तलाई अंगिकार गरी आप्mना कार्यक्रमाई विस्तार गरिरहेको छ ।

नेपालमा मत्स्य विकास गर्ने उद्देश्यले एसियाली विकास र्बैकबाट ऋणमा संचालित १५ बर्षे मत्स्य विकास आयोजनाले समेत यस केन्द्रलाई समावेश नगरेको देखियो । पोखरी गहिर्याउने एवं नजिकको खोलाबाट पानी ल्याउने कुलो निर्माण गर्नु पर्ने आवश्यकता पहिचान गर्न नसकेको कारण यस केन्द्रले पूर्णता पाउन सकेन र २०३२ देखि ०३८ सम्म यो केन्द्र बन्द भएको थियो । मत्स्य विकास आयोजना प्रथम र द्धितीय अवधिमा अन्य मत्स्य विकास केन्द्रहरुमा सुदृढिकरण एवं क्षमता विकासमा करौडौं रुपैया लगानी भैरहंदा यस केन्द्र प्रायः बन्द अवस्थामा रहनु परेको देखिन्छ ।